MUSIKK-READING-KURS
-FRÅ FOLKEMUSIKK TIL SJØLVUTVIKLING-

Hjartas kjelde er ulik frå sjel til sjel. Menneska har ulike verdiar, livsgrunnlag og tradisjonar. Akkurat dette synest eg er interessant! 

Det er så mykje å bli fenga av i dag, og som høgsensitiv har eg fort blitt påverka av mange ulike uttrykk og meinigar. Då har det til tider vore vanskeleg å finne meg sjølv og stemma mi. Eg har vore sterkt påverka av å følge tradisjonar, då eg tidleg vart ein del av folkemusikkmiljøet. Heile vegen har det vore vanskeleg å finne balansen mellom ny og gamal tid. Kor tid kan ein videreutvikle og kor tid bør ein halde seg til tradisjonen?

Når eg byrja på min veg i sjølvutvikling, vart eg fort nyskjerrig på å finne mitt språk og lytte til mine hjarteslag. Skilje mellom det som kjem utanfrå og innafrå, noko eg jobbar med den dag i dag. For meg er det å motta ei trygg og god reading rørande og oppklarande. Fyrst då kan eg faktisk finne mitt eige talent og veksa i takt med det. 

I møte med andre er det vanskeleg å stå støtt i seg sjølv, dette er noko ein må øve på heile livet. Fyrst når ein tørr å stå i full blom utan å bli påverka av alt rundt, kjem kjensla av fridom og glede. Den kjensla vil eg jobbe for!

Difor vil eg dela mine erfaringar med deg! Hjelpe deg med å komme i kontakt med den du er. Ditt unike potensial og di kraft! 
​
Dette gjer eg gjennom reading, ein teknikk eg lærde då eg studerte ved Astarte Education 2011-2014. (les meir under "Reading").

For meg er musikk, kultur og poesi viktige livsgrunnlag, og det kan brukast i mange former. Eg deler dette gjennom konsertar, undervisning, kurs og innspeling. (les meir under "musikk").
 
Ta kontakt på ls@lajlastorli.no for bestilling av reading/samtaleterapi, informasjon om konsert/kurs eller andre spørsmål.


Alt godt frå Lajla!